د سياسي او عسكري مشرتابه كوټلو اقداماتو په نتيجه كښې تر ډېره حده امن راغلې

پېښور 08 مارچ (اے پي پي) كورنيو چارو وفاقي وزير احسن اقبال وئېلي دي د سياسي او عسكري مشرتابه د مربوطو اقداماتو په نتيجه كښې تر كافي حده امن راغلې٬په هېواد كښې روان عمليات به د ترهه ګرو د تابوت وروستې مېخ ثابت شي٬په فرنټيئر كور كښې د جامع اصلاحاتو عمل او د تربيې كره معيارات خوشبينه دي٬د ريكروټس پياوړې كاركردګي د لوړ وظيفائي معيار عكاسي ده۔ده دا خبرې د زيارت په ورځ د فرنټيئر كور خېبرپښتونخوا(نارت)تر سيوري لاندې په سكاؤټس ټريننګ اكېډمۍ ورسك كښې د ريكروټس پاسنګ آؤټ پرېډ دستورې ته د خاص مېلمه په توګه وكړې۔په دې موقع د فرنټير كور خېبرپښتونخوا (نارت)آئي جي ميجر جنرال محمد وسيم اشرف هم موجود ؤ۔احسن اقبال ووئيل په پاسنګ آؤټ پړېډ كښې د ريكروټس پياوړې كاركردګي د اعلٰی وظيفائي معيار عكاسي ده او دې لپاره د اېف سي مشرتابه او په خاص توګه آئي جي ميجر جنرال محمد وسيم اشرف ته پیرزوينې وړاندې كوم۔ده ووئيل د كورنۍ نه جدا كېدل او د 20 كروړه اولس تحفظ لپاره د اېف سي ځوانان قوم لپاره د فخر وړ سرمايه دي۔ده تربيه ترسره كوونكو ځوانانو ته ووئيل تاسو د فرنټيئر كور په تربيه ترلاسه كوونكو ډلو كښې ګډون كوونكې يې كوم چې د هېواد او قام د جغرافيائي او نظرياتي پولو په حفاظت مامور دي۔زه پوخ باور لرم چې تاسو كومه تربيه ترلاسه كړې په نتيجه كښې به يې تاسو د وظيفائي ژوند په مهال د راتلوونكو ټولو ستونزو په مړانه مقابله وكړې شۍ۔احسن اقبال ووئيل د ردالفساد عملياتو له مخې په ټول هېواد او په خاص توګه په فاټا كښې عمليات روان دي كوم به چې د ترهه ګرو او د هغوي د سهولت كارو د تابوت وروستې مېخ ثابت شي۔ده ووئيل د هېواد سياسي او عسكري مشرتابه په ګډه داسې اقدامات كړې چې په نتيجه كښې يې تر ډېره حده په پاكستان كښې امن راغلې او هېواد د پرمختګ په لار روان شوې۔پاسنګ آؤټ پرېډ ته د اېف سي آئي جي ميجر جنرال محمد وسيم اشرف هم وېنا وكړه او وې وئېل پاك پوځ او د فرنټيئر كور ځوانانو دا چمن په خپله وېنا پاللې۔په امن كښې د فرنټيئر كور كردار ټولو ته معلوم دے۔وفاقي وزير د پرېډ د جاج اخستو نه پس د تربيې په مهال اعلٰی كاركردګي ښوونكو له انعامونه هم وركړل۔

مضمون کا ماخذ : لاٹری ٹکٹ آن لائن دستیاب

متعلقہ مضامین