نگران وزیراعظم انوار الحق کاکڑ دی ملک اچ امن و امان برقرار رکھݨ اچ پولیس فورس دی خدمات اتے قربانیاں دی تعریف، امیج بہتر بݨاوݨ سانڳے رویے اچ تبدیلی گھن آوݨ دی لوڑھ تے زور
APP01-091223
ISLAMABAD: December 09 - Caretaker Prime Minister Anwaar-ul-Haq Kakar addressing the 7th Annual Conference of Association of Former Inspector Generals of Police titled "Navigating the Complexities of State Responses in the Criminal Justice System". APP/ABB
اسلام آباد۔9دسمبر(اے پی پی) نگران وزیر اعظم انوار الحق کاکڑ ملک اچ امن و امان برقرار رکھݨ اچ پولیس فورس دی خدمات اتے قربانیاں دی تعریف کریندے ہوئیں فورس دے امیج کوں بہتر بݨاوݨ سانڳے رویے اچ تبدیلی گھن آوݨ دی لوڑھ تے زور ݙتے ۔ اے ڳالھ انہاں ہفتے کوں سابق انسپکٹر جنرلز آف پولیس (اے ایف آئی جی پی) دی ستویں سالانہ کانفرنس توں خطاب کریندے ہوئیں آکھی اے ۔ سالانہ تقریب دا اہتمام سابق انسپکٹرز جنرل آف پولیس (اے ایف آئی جی پی)دی ایسوسی ایشن کیتا ہئی ۔وزیر اعظم ادارہ جاتی نظم و نسق برقرار رکھݨ تے پولیس فورس دی تعریف کریندے ہوئیں آکھیے اے ھک مقدس فریضہ اے اتے کوئی وی معاشرہ افراتفری دا متحمل نی تھی سڳدا کیوں جو انارکی ناقابل قبول اے۔انہاں آکھیے جو پولیس فورس ملک کوں ایں انارکی توں بچاوݨ کیتے محافظ اے اتے معاشرے دی حفاظت کیتے سپاہی توں گھن تے افسر تئیں فرنٹ لائن فورس دے طور تے خدمات انجام ݙیندی پئی اے ۔ انہاں آکھیے گہری خود شناسی دی لوڑھ اے جو کیویں پولیس دی کارکردگی دی صورتحال اتے امیج کوں مزید بہتر بݨایا ونڄے ، تبدیلیاں رویہ اچ تبدیلی نال آسڳدن نہ جو محض یونیفارم کوں بدالݨ نال گھن آئیاں ونڄ سڳدن ۔ پولیس فورس دیاں قربانیاں دی تعریف کریندے ہوئیں وزیراعظم آکھیے قوم تے فورس دا ٻہوں قرض اے تے خاص طور تے ٻئے صوبیں دے علاوہ خیبرپختونخوا تے بلوچستان پولیس دی قربانیاں دا ذکر کیا۔ وزیر اعظم آکھیے نرسنگ تے پولیس دے شعبیں کوں وسائل ݙے تے انہاں اچ اعتماد پیدا کرتے انہاں کوں ول برانڈ کرݨ دی لوڑھ اے ،کہیں وی قسم دے کم کرݨ کیتے خود اعتمادی اہم اے۔انہاں آکھیے پولیس فورس معاشرے کوں برائیاں توں پاک کریندی اے ۔ وزیر اعظم آکھیے انہاں مسئلیں کوں حل کرݨ دی لوڑھ اے جیں دی وجہ توں پولیس فورس کوں مسئلیں دا سامݨا اے ۔ انہاں شہید پولیس اہلکاراں دے ݙو خانداناں کوں پیش آندے مسئلے بیان کیتے جنہان انہاں نال رابطہ کیتے تے افسوس کیتے جو انہاں دے نال او سلوک ننی کیتا ڳیا جیں دے او مستحق ہن تے سوات اچ شہید تھیوݨ تھیوݨ آضی ھک پولیس اہلکار شبانہ دا وی حوالہ ݙتا۔نگران وزیراعظم مقامی چیلنجز کوں سمجھݨ تے موثر قانونی ڈھانچے تے ڳالھ کرݨ دی لوڑھ تے وی زور ݙتا ۔ انہاں آکھیے ملک اچ دہشت گردی دے خلاف جنگ اچ تقریباً 90 ہزار شہری شہید تھئن ، انہاں سکیورٹی دے مسئلیں نال نبݨݨ سانڳے موثر قانون سازی دی اہمیت کوں اجاگر کیتے۔
