اسلام آباد۔21جولائی (اے پی پی) وزیر خزانہ محمد اسحق ڈار آئی ایم ایف نال تھیوݨ آلے معاہدے دی دستاویزات قومی اسمبلی اچ پیش کر ݙتی ڳئی جڈانجو انہاں معاہدے دے تحت زراعت اتے ریئل اسٹیٹ تے نواں ٹیکس لاوݨ دی تردید کریندیں ہوئیں آکھیا جو اساں اوکھے ویلھے توں لنڳھ آیوں، سٹیٹ بینک موجب آندے ݙو سالیں اچ افراط زر شرح 7 فیصد ے تئیں آویسی جو ملک کیتے ہک چنڳی خبر اے۔ اساکوں سیاست کوں ہک پاسے رکھ تے میثاق معیشت کرݨا چاہیدے۔ جمعے کوں قومی اسمبلی اچ ڳالھ مہاڑ کریندیں ہوئیں انہاں آکھیا ایں ایوان کوں ݙسایا ہئی جو آئی ایم ایف نال معاہدے تے بطور وزیرخزانہ اچ اتے گورنر سٹیٹ بینک ایں تے دستخط کریسن اتے ایندی کاپی ایں ہاؤس کوں وی ݙیسوں۔ اے کم شفافیت کیتے ضروری اے۔ ماضی اچ وی آئی ایم ایف نال معاہدے تھیے۔ 1999 اچ ایٹمی دھماکیاں دے بعد 8 مہینے آئی ایم ایف دا پروگرام معطل تھیوݨ دے بعد بحال تھیا تاں اوندی تفصیلات ویب سائیت تے پا ݙتی ہن۔ انہاں لیٹر آف انٹینٹ، میمورنڈم آف اکنامک اینڈ فنانسل پالیسیز اتے ٹیکنیکل میمورنڈم آف انڈر سٹینڈنگ دی کاپیاں لائبریری اچ رکھݨ کیتے پیش کیتی تانجو کوئی وی اینکوں ݙیکھ سڳے۔ وزیرخزانہ آکھیا جو نواں جائزہ نومبر 2022 اچ تھیوݨا ہئی جڈانجو ݙاہواں جائزہ فروری 2023 اتے یارھواں جائزہ مئی 2023 اچ تھیوݨا ہئی۔ انہاں ترائے دی مالیت 2.5 ارب ڈالر ہئی، اے پروگرام 2019 اچ شروع تھیا ہئی، 2022 اچ اے ختم تھیوݨا ہئی پر پروگرام معطل تھیے۔ گزریل حکومت دے معاہدے توں پھرݨ پاروں ویلھا لڳیا۔
