اسلام آباد ۔ 17 مئی (اے پی پی) نیشنل ڈیزاسٹر مینجمنٹ اتھارٹی (این ڈی ایم اے ) کووڈ۔19 کیتے سندھ کوں ڈتے گئے طبی سامان تے آلات دی تفصیل جاری کریندے ہوئیں آکھیے جو سامان دی 5ویں کھیپ وی ترسیل کیتے تیار اے ۔ این ڈی ایم اے سارے صوبیں بشمول آزاد کشمیر و گلگت بلتستان کوں وفاق ولوں معاونت کریندا پئے ۔ این ڈی ایم اے دے ترجمان ولوں اتوار کوں جاری تفصیل دے مطابق سندھ اچ ایں ویلھے کووڈ 19دے مریضاں دی ضرورت دے مطابق وافر مقدار اچ وینٹیلیٹر موجود ہن۔ این ڈی ایم اے ولوں وی سندھ کوں 20 بائی پیپ وینٹیلیٹرز ڈتے گئن۔جڈاں جو این ڈی ایم اے دے ویئر ہاوس اچ تقریباً 500 وینٹیلیٹرز موجود ہن۔ اے وینٹیلیٹرز اسٹریٹجک ریزروز ہن تے حسب ضرورت صوبیں کوں ایشو کیتے ویسن ۔ ترجمان دے مطابق ہنڑ تئیں سندھ کوں 10 لکھ 30 ہزار 163 فیس ماسک ڈتے گئن ۔ 32ہزار 392 این۔ 95اتے 2 لکھ 3 ہزار 840 دے این۔95 ماسک وی سندھ کوں ڈتے گن ۔ 2 لکھ 35 ہزار 479 حفاظتی سوٹ اتے 8 ہزار 773 حفاظتی عینک وی ڈتے گئن ۔ ترجمان ایں حوالے نال آکھیے جو 2لکھ 42 ہزار 792 جوڑے دستانے اتے 57 ہزار 844 جوڑے شوز کور، 94 ہزار 201 سرجیکل کیپ، 25 ہزار 351 گاون اتے 9 ہزار 448 فیس شیلڈ وی سندھ کوں ڈتیاں گئن ۔ ترجمان آکھیے جو ٹیسٹنگ سامان بشمول سندھ سارے صوبیں کوں وافر تعداد اچ ڈتا ویندا پئے ۔ سندھ کوں 4 پی سی آر مشینیں بشمول ہک آٹومیٹک مشین ڈتی گئی اے ۔ ہک لکھ 23 ہزار 832 ٹیسٹنگ کٹس 55ہزار وی ٹی ایم اتے 55 ہزار سویب (SWAB) وی سندھ کوں ڈتے گئن ۔50ہزار 768 مینول اتے 8 ہزار آٹو ایکسٹرکشن کٹس وی سامان اچ شامل ہن ۔ ایندے نال ٹیسٹنگ کٹس کوں سٹور کرنڑ دی 2 بائیو سیفٹی الماریاں، 200 تھرمل گنز اتے 30 ہزار بائیو ٹیک ٹیوب وی سندھ دے سامان اچ شامل ہن ۔ 9 ہزار بائیو ہزرڈ بیگز، ہک ہزار 20 باڈی بیگز اتے 25 ہزار سینیٹائزر دیاں بوتلاں وی سندھ کوں ڈتیاں گئن ۔ ترجمان دے مطابق سندھ کیتے سامان دی پنجویں کھیپ وی تیار اے۔
