د كورنيو چارو وفاقي وزير اعجاز احمد شاه په ګوردواره جنم استهان كښې مېډيا سره خبرې

ننكانه صاحب 05 جنوري (اے پي پي) د كورنيو چارو وفاقي وزير اعجاز احمد شاه وئيلي دي چې په ننكانه صاحب كښې افسوسناكه پېښه د هېواد د سلامتيا او د ورورولې د دښمنانو ناوړه سازش دے، د وزيراعظم او زمونږ همدردۍ سكھ ټولنې سره دي، د پېښې مقدمه درج كړې شوې، ټول كردارونه به انجام ته رسولې شي، په نړيواله مېډيا كښې پېښه په غلط ډول وړاندې كړې شوې، غېر رياستي ادارې د هېواد امن خرابول غواړي. ده دا خبرې د اتوار په ورځ د ودانيو صوبائي وزير ميا محمود الرشيد او پارلماني سېكتر سردار مهندر پالل سنګه سره يو ځائ په ګوردواره جنم استهان كښې مېډيا سره په خپلو خبرو كښې وكړې. په دې موقع د سكھھ ټولنې مشران هم موجود وو. د كورنيو چارو وفاقي وزير ووئيل چې د سكھھ ټولنې په خوشحالې كښې شاملېدل د خوش قسمتۍ خبره ده، نننۍ ورځ سكھھ ټولنې لپاره د خوشحالې ورځ ده. ده ووئيل چې د وزيراعظم په هدايت دلته راغلے يم، ننكانه صاحب د مذهبونو د همغږۍ غوره مثال دے. ده ووئيل چې دلته يوه افسوسناكه پېښه رامېنځ ته شوې، په ننكانه صاحب كښې افسوسناكه پېښه د هېواد د سلامتيا او د ورورولې د دښمنانو ناوړه سازش دے، د وزيراعظم او زمونږ همدردۍ سكھ ټولنې سره دي، د پېښې مقدمه درج كړې شوې، ټول كردارونه به انجام ته رسولې شي، په نړيواله مېډيا كښې پېښه په غلط ډول وړاندې كړې شوې، غېر رياستي ادارې د هېواد امن خرابول غواړي. په دې موقع د اقليتي چارو او بشري حقونو پارلماني سېكتر ووئيل چې د يووالي په څرګندونه د پاكستاني حكومت او د پنجاب د حكومت مننه كوو، په پاكستان كښې ټول اقليتونه مكمل مذهبي آزادي لري.

مضمون کا ماخذ : پاکستان کی لاٹری کی تاریخ

متعلقہ مضامین