اسلام آباد – 08 – فيبروري (اي پي پي) وفاقي گادي واري شهر اسلام آباد ۾ 2024ع جي عام چونڊن جي لاءِ پولنگ مناسب انتظامن ۽ سخت سيڪيورٽي ۾ پرامن طريقي سان جاري آهي، ملڪ جي ٻين حصن وانگر وفاقي گادي واري شهر ۾ به پولنگ صبح 8 وڳي شروع ٿي، جيڪا بنا ڪنهن وقفي جي شام پنجين وڳي تائين جاري رهي. پولنگ بوٿن جي ٻاهر ووٽرن جو قطارون هيُون. واضح رهي ته وفاقي گادي واري شهر ۾ قومي اسيمبلي جي ٽن سيٽن تي پولنگ ٿي، جنهن ۾ اين اي 46، اين اي 47 ۽ اين اي 48 شامل آهن.