د امريكائي اولس مشر د افغانستان او سوئېلي آسيا په حقله د پالېسې بيان په معامله

اسلام آباد 30 اګست (اے پي پي)سېنېټ كښې د امريكائي اولس مشر د افغانستان او سوئېلي آسيا په اړه د پالېسي بيان په ځواب كښې د پالېسۍ لارښودنې اصولو له د ټول ايوان كمېټۍ راپور وړاندې كړی دے۔د شورو په ورځ د سېنېټ غونډې په مهال د حكومتي ډلې مشر سناتور راجه ظفرالحق راپور ايوان ته وړاندې كړو۔د پالېسۍ لارښودنې اصولو كښې وئېلي شوي خارجه دفتر په سېنېټ كښې د 23 او 24 اګست شوي بحث او د دې نه پس 28 او 29 اګست د ټول ايوان په كمېټۍ كښې د بحث په اړه د پاكستان او د پاكستاني اولس خدشاتو څخه د امريكې سفير خبر كړی۔دا خبره د ستائنې وړ ده حكومت د سېنېټ په سفارشاتو د خارجه وزير دوره ځنډولې خو كله چې هم خارجه وزير واشنګټن ته ځي نو د سېنېټ خدشات او د ترهه ګرۍ په ضد جنګ كښې د پاكستان د قربانو او د خذماتو په اړه به خبرولې شي۔د نائن اليون نه پس پاكستان ته وركړی شوې د امريكائي مرستې په اړه فېكټ شېټ دې جاري كړی شي دغسې چې معلومه شي چې د اتحادي مرستې فنډ لپاره څومره روپۍ وركړې شوي او امريكې خپل لوظونه تر كومه حده ترسره كړې۔د پالېسۍ لارښودنې اصولو كښې وئېلي شوي پاكستان د امريكې سره خپلو اړيكو ته د قدر په سترګه ګوري او دوه اړخيزه اړيكو پشمول سيمه ايز صورتحال او په خاص توګه افغانستان او سرحدي سيمه كښې د امن او استحكام لپاره د امريكې سره تعميري خبرې اترې شوې۔پاكستان د خپل عزم پخلې كوي۔د پالېسۍ لارښودنې اصولو كښې وئېلي شوي دي بايد ټولو اړوندو ډلو لپاره يو قامي پالېسي پېپر جوړ كړی شي چې پكښې د پاكستان قامي بيانيه شامل وي او دا د امريكې د پالېسۍ جوړونكو لپاره د يو دستاويز په توګه كار وكړي۔د امريكې اولس مشر د سوئېلي آسيا په اړه تګلاره وړاندې كړې بايد پاكستان هم د سوئېلي آسيا يوه پالېسي جوړه كړي او د كشمير مسئلې امن ناكه حل له بايد هلې ځلې وكړي چرته چې هند د بشري حقونو خلاف ورزي كوي۔د پالېسۍ لارښودنې اصولو كښې وئيلي شوي د افغانستان په اړه بايد پاكستان په دې زور راوړي چې د كوم هم هېواد خاوره به د كوم بل هېواد په ضد د ترهه ګرۍ هلو ځلو لپاره نه كارولې كېږي او په دې لړ كښې په خاص توګه په افغانستان كښې د ټي ټي پي د جالو او پټن ځايونو ذكر ضروري دے كومو څخه چې كاروائي كېږي بايد پاكستان په سرحدي انتظام 2600 كلوميټره اوږد پاك افغان پوله امنيت ته پام لرنه وكړي۔د پالېسۍ لارښودنې اصولو كښې وئېلي شوي د افغانستان شخړې كوم پوځي حل نشته او پھ دې لړ كښې بايد پاكستان د افغان حكومت په مشرۍ كښې د سياسي خبرو اترو حل پالېسۍ عزم پخلي وكړي۔د پالېسۍ لارښودنې په اصولو كښې وئېلي شوي پاكستان په سيمه كښې د ترهه ګرۍ ختمولو له په ګډه كار كولو په اړه د پاك افغان آرمي وركننګ ډلې جوړولو هركلې كوي)

مضمون کا ماخذ : پاور بال جیتنے کے طریقے

متعلقہ مضامین