كه په مونږ بريد كېږي نو د خپلې دفاع كولو نه غېر بله لار نشته

اسلام آباد 28 فروري (اے پي پي) د رېلوے وفاقي وزير شېخ رشيد احمد وئېلي دي كه په مونږ بريد كېږي نو د خپلې دفاع نه علاوه بله كومه لار نشته٬امن ضروري دے او مونږ امن غواړو٬كه هند په پاكستان بريد وكړو نو په زړه پورې ځواب به وركولې شي٬د آټل بهاري واچپائي چې كوم سوچ ؤ هغه سوچ د نريندر مودي سوچ نه دے٬د مودي د پالېسو په وجه د هند مسلمانان او كشميريان غېر محفوظ شوي۔د پارليمان شريكې غونډې ته خپل خطاب كښې شېخ رشيد ووئيل ټول امن غواړي خو دا به كتل وي چې هند هم د امن خوښي لري او كه نه۔ده ووئيل د هند عزائم ښه نه دي٬هغه د سپر پاور جوړېدو سوچ لري٬هغوي په افغانستان كښې د شوي پیشرفت څخه خوشحاله نه دي۔ده ووئيل جهاد په مسلمانانو فرض دے او د جهاد څخه انكار كوونكې مسلمانان نه دي۔ده ووئيل د كشميريانو هلې ځلې د خپلواكۍ حق لپاره دي٬نن برهان الدين واني د كشميرانو ليډر شوې۔ده ووئيل پلوامه بريد كښې شهيد شوے عادل چرې پاكستان ته نه دې راغلې هغه په سرينګر كښې زېږېدلې ؤ ۔ده ووئيل د 1971 نه پس هند چرې هم د پاكستان د فضائي حدونو خلاف ورزي نه ده كړی٬د كارګل په جنګ كښې هم هند د پاكستان د فضائي حدونو خلاف ورزي نه وه كړی۔ ده ووئېل په 26 فرورۍ د هغوي په 14 كښې 4 الوتكې پاكستان ته راغلې وي٬زمونږ فضائيه د هند فضائيه څخه څو درجې قوي ده۔د پاكستان جے اېف 17 ټهنډر الوتكې تكنيكي لحاظ سره په چين كښې د استعمالېدونكو جے اېف 17 تهنډر څخه ښې دي ځكه چې په دې كښې په فضاﺀ كښې د فيولنګ آسانې شته۔ده ووئيل هند چرې هم د ملګرو ملتونو قراردادونه نه دي منلې٬مسلمانان د جهاد خوښي لري او جهاد په مسلمانانو فرض دې۔ده وئيل دا مهال په هند كښې يو انتهاخوښې حكمران ناست دے د چا سياست چې د مسلمانانو څخه د كركې په بنياد جوړ دے

مضمون کا ماخذ : قزاقوں کی کافی مقدار

متعلقہ مضامین