د خارجه دفتر وياند ډاكټر محمد فيصل اوونيز پرېس بريفنګ

اسلام آباد 31 جنوری(اے پی پی) پاكستان د خارجه وزير لخوا ميرواعظ عمر فاروق ته په ټېليفون كولو د هند اعتراض رد كړې او وئېلې يې دي د هند لخوا ميرواعظ عمر فاروق ته ترهه ګر وئېل د غندنې وړ دي٬پاكستان به په هر حال كښې د كشميري اولس د آزادۍ د هڅو ملاتړ روان ساتي٬د پاكستاني هائي كمشنرغوښتل د هند سياسي لوبه او په راتلوونكو ټول ټاكنو د اثر كانداز كېدو هڅه ده٬هند دې په خپلو كورنيو معاملو كښې پاكستان نه راكاږي٬په كارتارپور د پاكستان پالېسي واضحه ده او د هند طرز عمل د ماشومانو دے۔د زيارت په ورځ د اوونيز پرېس بريفنګ په مهال د بېلا بېلو پوښتنو ځواب وركولو سره د خارجه دفتر وياند ډاكټر محمد فيصل د خارجه وزير لخوا مير واعظ عمر فاروق ته په تېليفون د هند اعتراض رد كړو او وې وئېل كشمير يوه لانجمنه سيمه ده۔په نوي ډېلي كښې د پاكستان هائي كمشنر طلب كول د واكمن ګوند لخوا په ټول ټاكنو د آغېز كولو هڅه ده۔هندي مشران دې خپلې ټاكنې په خپل هېواد كښې د خپلو ستونزو په بنياد وكړي۔پاكستان دې په دې كښې نه راكاږي۔وياند ووئيل ميرواعظ عمر فاروق ته په ټېليفون كولو د هند د خارجه وزارت لخوا د پاكستان هائي كمشنر خارجه دفتر ته په طلب كولو ځواب كښې د زيارت په ورځ د هند هائي كمشنر خارجه دفتر ته طلب كړې او سخت احتجاج ورته شوې۔خارجه سېكترې د هند په هائي كمشنر واضحه كړې چې پاكستان به په هر حال د كشميريانو ملاتړ روان ساتي۔د يوې پوښتنې په ځواب كښې ده ووئيل د آسيه بي بي په معامله د سترې محكمې پريكړه راغلې٬سترې محكمې چې كومه پريكړه كړې هغه به عملې كولې شي۔آسيه بي بي آزاده وګړې ده٬هغه كه غواړي نو په پاكستان كښې اوسېدې شي يا په كوم بل هېواد كښې هم اوسېدلې شي٬طالبانو سره د مذاكراتو په اړه د يوې پوښتنې پھ ځواب كښې وياند ووئيل ملاعبدالغني برادر د دوحه د مركزي دفتر مشر ټاكلې شوې۔د طالبانو او افغان دولت ترمينځه معاملې د دوي كورنۍ معامله ده٬هيله ده چې افغان ډلې به په ګډھ خپلې مسئلې حل كړي۔د يوې پوښتنې په ځواب كښې وياند ووئيل د سعودي ولي عهد لخوا د پاكستان متوقع دوره ډېره مهمه ده٬په دې لړ كښې به ډېر زر تفصيلات خپاره كړې شي۔وياند په افغان پوله د داعش په زياتېدونكو فعاليتونو اندېښنه ښودلو سره ووئيل د امريكې او طالبانو ترمينځه مذاكرات په مثبت پلو روان دي او د نامتو اداركارې روحي باني وطن ته راورلو لپاره به د هغې د كورنۍ هر ډول ممكنه مرسته كولې شي۔په انقره كښې د پاكستان سفارت د روحي بانو كورنۍ سره په تماس كښې دے۔

مضمون کا ماخذ : apostas quina

متعلقہ مضامین