سعودی عرب له په سی پیك كښې د دريم شراكت دار په توګه د شاملولو بلنه وركړې شوي، سعودی عرب به په سی پیك كښې دريم اقتصادی او اتتراتيجكي پارټنر وي، سعودی عرب به په سی پیك كښې نيغ په نيغه سرمایه كاری كوي

APP31-20 ISLAMABAD: September 20 Federal Minister for Information and Broadcasting, Chaudhry Fawad Hussain, addressing a Press Conference. APP

اسلام آباد 20ستمبر (اے پی پی) د اطلاعاتو او خپرونو وفاقی وزیر چوهدری فواد حسېن وئيلي دي چې سعودی عرب له په سی پیك كښې د دريم شراكت دار په توګه د شاملولو بلنه وركړې شوي، سعودی عرب به په سی پیك كښې دريم اقتصادی او اتتراتيجكي پارټنر وي، سعودی عرب به په سی پیك كښې نيغ په نيغه سرمایه كاری كوي، د احتساب عمل كښې كوم ډیل نه دې شوې او نه به دې كښې د كوم لچك څرګندونه وكړې شي، د پاكستان د اولس پیسه به پاكستان ته راوړلې شي، عمران خان چې څوك پيژني هغوي ته معلوم دې چې هغه د هيڅ ډول ډيل قائل نه دې، د نواز شریف ضمانت شوې كېس نه دې ختم شوې، نواز شریف به زندان ته ځي راځي، مونږ به نواز شریف او مریم نواز د هېواد څخه بهر تللو ته پري نه ږدو او نه به اسحاق ډار ، حسن نواز او حسېن نواز پاكستان څخه بهر پاتې كيدو ته پرې ږدو، پاكستان كښې عدلیه په بشپړه توګه آزاد ده كومه چې د آئین او قانون ترمخه پريكړې كوي، مونږ به د ګاونډيانو سره د ښه اړيكو سره سره د نړيوالې ورورولۍ سره هم اړيكې لا ښه كوو، مونږ هند سره د خبرو اترو د لارې د مسئلو او شخړو ختمول غواړو، مونږ يو مستحكم افغانستان غواړو، د صحت په څانګه اصلاحات له ټاسك فورس جوړ كړې شوې، خبريالانو له به هم صحت كارډ جاری كولې شي، د صحت كارډ د لارې به تر 5 لكھ 50 زره روپو ويړيا درملنه كولې شي، د ترمیمی فنانس بل مقصد ریونیو راجمع كول دي ، مونږ په غریبانو بوجھ نه اچوو، د مالدارو سبسډی ختمولو سره هغه غريبانو له وركوو، قامی معیشت ښه والې له به مالدارو له قربانی وركول وي۔ د زيارت پھ ورځ خبرې كنفرنس ته په خپل خطاب كښې وفاقی وزیر چوهدری فواد حسېن ووئيل د عاشوره محرم الحرام په موقع ټول قام حضرت امام حسېنؓ ته هدیه تبرك وړاندې كوي، ده ووئيل د كربلا پېښه د حق او باطل ده او د حق او باطل جنګ به تر قیامت روان وي۔ده ووئيل د نن خبرې كنفرنس مقصد اولس په اعتماد كښې اخستل دي او هغوي ته د حكومت موقف رسول دي۔ وزیراعظم عمران خان د سعودی عرب دورې په اړه ده ووئيل د دورې څخه وړاندې سهار په نهه بجې د كابینې غونډه شوي چې پكښې فنانس ترمیمی بل منظوری وركړې شوي دغسې د اسمبلۍ په غونډه كښې د اپوزیشن د اړخه ټاكنو كښې د سپيځلتيا جانچ پړتال له په شوې غوښتنه د كمېشن جوړولو اعلان هم شوې۔ ده ووئيل اد سعودی عرب دورې په مهال تر ټولو اول مدینه منوره كښې د رسولؐ په روضه حاضری شوې او وزیراعظم پشمول ټول پلاوي ریاض الجنه كښې لمونځ ادا كړې۔ ده ووئيل د رسولؐ روضې ته د دننه تللو موخې كمې ترلاسه كېږي او دا سعادت هر چا ته نه نصیب كېږي خو په دې مونږ د سعودی حكومت مننه كوو ده ووئيل د رسولؐ په وضه د حاضرۍ نه پس جدې ته تللې يو او دا د كوم پاكستانی حكومت د مشر وړومبۍ سركاری دوروه كومې لپاره چې خاص اقدامات شوې ؤ او سعودی حكومت د جدې ښار د پاكستان د بيرغ څخه ښكلې كړې ؤ۔ ده ووئيل مدینه منوره، جده او مكه كښې نه يواځې پاكستانیانو بلكه د سعودی وګړو هم د وزیراعظم عمران خان تاریخی هركلې كړې۔ ده ووئيل د عمرې ادا كولو په وخت خانه كعبې ته دننه تللو سره هم د نوافل ادا كولو سعادت وزیراعظم ته ترلاسه شوې۔ د سعودی عرب دورې په اړه ده ووئيل په دې مهال خادم الحرمین شریفین سلمان بن عبدالعزیز او ولی عهد شهزاده محمد بن سلمان سره د وزیراعظم تفصیلی ملاقاتونه شوي او د سعودی قیادت باور راكړې چې سعودی عرب به د پاكستان سره ولاړ وي۔ په دې موقع وزیراعظم عمران خان د سعودی قیادت له باور وركړې چې پاكستان د سعودی عرب امنيت د پاكستان امنيت ګڼي او په دې اړه به هر ډول مرسته كولې شي۔ چوهدری فواد حسېن ووئيل د اكتوبر په وړومبۍ اوونۍ كښې به سعودی عرب يو پلاوې پاكستان ته راځي كوم كښې به چې د خزانې وزیر، د توان وزیر او نور د كاروباری ادارو مشران شامل وي، د دې دورې په مهال به د سعودی عرب او پاكستان ترمينځه د لوئ اقتصادی شراكت دارۍ بنیاد اېښودلې شي۔ ده ووئيل سعودی عرب ته په سی پیك كښې د دريم شراكت دار په توګه د شامليدو بلنه وركړې شوي او سعودی عرب به سی پیك كښې نيغ په نيغه سرمایه كاری كوي۔ ده ووئيل د سعودی پلاوي دورې له انتظامات ته حتمی شكل وركولو له خارجه دفتر ته سپرښتنه شوې ده۔ د سعودی عرب دورې په آخر وزیراعظم عمران خان د یو ای اے ولی عهد محمد بن زید په بلنه د ابوظهبی دوره كړې او هغه د وزیراعظم هركلې كړې۔ په دې موقع د متحده عرب امارات او پاكستان په شريكو چارو اوږد مشاوت شوې۔ ده ووئيل وزیراعظم د ابوظهبی حكمران پاكستان د افغانستان په اړه د نوي تګلارې څخه خبر كړو دغسې په دې مهال كراچۍ كښې د اوبو د ترسیل غوندې په مهمو پروژو هم خبر اترې شوي۔ یو اے ای حكومت به اكتوبر كښې خپله اقتصادی ډله پاكستان ته رالېږي كومه به چې دې معاملاتو ته حتمی شكل وركوي۔ ده ووئيل نواز شریف له هائی كورټ ضمانت وركړې ٬ په هغه كېسونه شته او هغه به زندان ته ځي راځي۔ ده ووئيل د پخواني وزیراعظم پشمول د ځينو كسانو نامې ای سی ایل كښې ځكه اچولې شوي چې هغوي په هېواد كښې د كرپشن كېسونو سره مخ شي ۔ ده ووئيل د هغوي ضمانت شوې كېس ختم شوې نه دې۔ چوهدری فواد حسېن ووئيل مونږ به نواز شریف او مریم نواز د هېواد څخه بهر تللو ته پري نه ږدو او نه به اسحاق ډار ، حسن نواز او حسېن نواز پاكستان څخه بهر پاتې كيدو ته پرې ږدو، پاكستان كښې عدلیه په بشپړه توګه آزاد ده كومه چې د آئین او قانون ترمخه پريكړې كوي۔ ده ووئيل د عدلیې خپل يو نظام دې نواز شریف او نور ملزمانو د ضمانت په بنیاد رامخې ته شوې خرابۍ لري كولو سره هغوي به بيرته هلته ځي۔ده ووئيل د احتساب عمل كښې كوم ډیل نه دې شوې او نه به دې كښې د كوم لچك څرګندونه وكړې شي، د پاكستان د اولس پیسه به پاكستان ته راوړلې شي، عمران خان چې څوك پيژني هغوي ته معلوم دې چې هغه د هيڅ ډول ډيل قائل نه دې، د نواز شریف ضمانت شوې كېس نه دې ختم شوې، نواز شریف به زندان ته ځي راځي۔ افغانستان كښې د امن صورتحال او استحكام په اړه ده ووئيل عمران خان هغه سیاسی لارشود دې څوك چې تل له د خبرو اترو وائي ځكه چې امریكې 16كاله جنګ وكړو خو بيا هم د افغان مسئله حل نه شوه يواځې د خبرو اترو د لارې دا مسئله حل كيدې شي۔ ده ووئيل مونږ به د ګاونډيانو سره د ښه اړيكو سره سره د نړيوالې ورورولۍ سره هم اړيكې لا ښه كوو۔ ده ووئيل مونږ هند سره د خبرو اترو د لارې د مسئلو او شخړو ختمول غواړو، مونږ يو مستحكم افغانستان غواړو۔ ده ووئيل د صحت په څانګه اصلاحات له ټاسك فورس جوړ كړې شوې، خبريالانو له به هم صحت كارډ جاری كولې شي، د صحت كارډ د لارې به تر 5 لكھ 50 زره روپو ويړيا درملنه كولې شي۔ ده ووئيل د ترمیمی فنانس بل مقصد ریونیو راجمع كول دي ، مونږ په غریبانو بوجھ نه اچوو، د مالدارو سبسډی ختمولو سره هغه غريبانو له وركوو، قامی معیشت ښه والې له به مالدارو له قربانی وركول وي۔ (

مضمون کا ماخذ : کنگ میکر

متعلقہ مضامین